Այս պահի դրությամբ Արցախի հարավային, մասնավորապես Հադրութի ուղղությամբ հակառակորդը շարունակում է նախահարձակ գործողություններ իրականացնել, որին համարժեք պատասխան է տալիս պաշտպանության բանակը: Այդ մասին «Ազատություն» ռադիոկայանի ուղիղ եթերում հայտարարեց ԱՀ նախագահի խոսնակ Վահրամ Պողոսյանը: 

«Մարտերը ծանր են, բայց պաշտպանության բանակը կարողանում է համարժեք գործողություններ իրականացնել»,- ընդգծեց նա:

Վ.Պողոսյանը նշեց, որ հակառակորդն անտեսում է Մոսկվայում ձեռքբերված հրադադարի պայմանավորվածությունը և շարունակում է հարձակումներ ձեռնարկել: «Այս պահին դժվար է որևէ ակնկալիք, սպասում, կարծիք արտահայտել կրակի դադարեցման մասին»,- ասաց ԱՀ նախագահի խոսնակը: