Ռուս Ուղղափառ եկեղեցու հովվապետ, Մոսկվայի և Համայն Ռուսիո պատրիարք Կիրիլը դիմել է Ամենայն Հայոց կաթողիկոս Գարեգին Բ-ին ու Կովկասի մուսուլմանների վարչության (ԿՄՎ) նախագահ շեյխուլիսլամ Ալաշուքյուր Փաշազադեին՝ կոչ անելով միասին աշխատել, որպեսզի ԼՂ հակամարտությունը չվերածվի միջկրոնականի: Այս մասին հայտնում է ՏԱՍՍ-ը:

«Այսօր մեզանից յուրաքանչյուրն ու բոլորս միասին պետք է այնպես անենք, որ արյունահեղությունը կանգնի: Դիմում եմ հակամարտության բոլոր կողմերին՝ խնայեք միմյանց կյանքերը, թող որ արյունահեղությունը կանգ առնի հանուն խաղաղ ապագայի:

Հայաստանն ու Ադրբեջանը եղել են հարևաններ, հայերն ու ադրբեջանցիները ցանկացած դեպքում պետք է ապրեն կողք կողքի»,-հավելել է նա: