Այս պահի դրությամբ Արցախում քաղաքացիական բնակչության շրջանում կա 25 զոհ ու 100-ից ավելի վիրավոր:

Այս մասին այսօր կայացած մամուլի ասուլիսի ընթացքում հայտնել է Արցախի արտակարգ իրավիճակների պետական ծառայության փրկարար ուժերի վարչության պետ Մեխակ Արզումանյանը: Նա նաև տեղեկացրել է, որ վնասվել են 5800-ից ավելի բնակելի, մշակութային և հասարակական նշանակության օբյեկտներ։

Այս պահին արտակարգ իրավիճակների պետական ծառայության հիմնական խնդիրներից մեկը չպայթած զինամթերքի հայտնաբերումը և ոչնչացումն է: