Միչիգան նահանգի Ներկայացուցիչների պալատն ընդունել է բանաձև, որով դատապարտում է Ադրբեջանի ու Թուրքիայի ագրեսիան Արցախի դեմ: Այդ բանաձևը ներկայացրել է պալատի անդամ Մերի Մանուղյանը: Բանաձևով դատապարտվում է Ադրբեջանի կողմից համակարգված հարձակումը Լեռնային Ղարաբաղում ու Թուրքիայի միջամտությունը հակամարտությանը:

Նաև կոչ է արվում աշխատել Մինսկի խմբի համանախագահների ու Հայաստանի, Ադրբեջանի և Արցախի կառավարությունների հետ, որպեսզի հասնեն հակամարտության երկարաժամկետ և խաղաղ կարգավորման: