Իրանի իշխանությունները չեն հանդուրժի Լեռնային Ղարաբաղի հակամարտության մասնակիցների կողմից իրենց տարածքի վրա կրկնվող հարվածները։ Այս մասին հայտարարել է Իրանի ԱԳՆ պաշտոնական ներկայացուցիչ Սաիդ Խաթիբզադեն։

«Իրանը անտարբեր չի մնա նման գնդակոծությունների կրկնության դեպքում», - ասել է նա։ Դիվանագետը հավելել է, որ Իրանի քաղաքացիների անվտանգության ապահովումը, որոնք բնակվում են սահմանամերձ շրջաններում, երկրի զինված ուժերի համար առաջնահերթություն է, հաղորդում է ՏԱՍՍ-ը։