Սև հովազ խմբի ղեկավար, ԲՀԿ-ական նախկին պատգամավոր Ռուստամ Գասպարյանին վիրահատել են, սակայն վիճակը շարունակում է մնալ ծանր: Նրան վիրահատել Էին Ստեփանակերտում, ապա տեղափոխել Գորիսի հոսպիտալ: ԲՀԿ-ից Նաիրա Զոհրանյանն ասաց, որ Գորիսից այս պահին փորձում են տեղափոխել Երևան, սակայն դեռ չեն կարողանում. «Սպասում են` վիճակը կայունանա, որ նոր բերեն Երևան: Վնասվածքը գլխի շրջանում է, ծանր է, դեռ վտանգավոր է տեղափոխելը ուղղաթիռով»,-ասաց Զոհրաբյանը:

Հիշեցնենք, որ այսօր առավոտյան մենք գրեցինք, որ Արցախում զոհվել է Ռուստամ Գասպարյանի որդին, ինքը վիրավորվել է` ստանալով գլխի շրջանում բեկորային ծանր վնասվածք: Մենք տեղեկացանք, որ նրանք մեքենայի մեջ են եղել, երբ ԱԹՍ-ն հարվածել է, մեքենայում նաև Գասպարյանի ընկերն է եղել, որը ևս զոհվել է: