«Վաղ առավոտից մարտական գործողությունները շարունակվել են: Հյուսիսային և հարավային ուղությամբ հակառակորդը փորձել է հարձակողական գործողություններ ծավալել. հյուսիսային ուղղությամբ հետ է շպրտվել մեկ-երկու գրոհներից հետո: Հարավային ուղղությամբ տևական ժամանակ ծանր մարտերը շարունակվում էին, սակայն, հիմնականում, կողմերը դիրքային փոփոխություններ գրեթե չեն ունեցել: Այս պահի դրությամբ մարտերի ուժգնությունը որոշակիորեն թուլացել է»,- այսօրվա ասուլիսի ժամանակ, ներկայացնելով առաջնագծում տիրող իրավիճակը, ասաց ՀՀ ՊՆ ներկայացուցիչ Արծրուն Հովհաննիսյանը:

Ա. Հովհաննիսյանը նշեց, որ կորուստների մասին լրացուցիչ կներկայացնեն Միասնական տեղեկատվական հարթակում: