Թաթուլ Հակոբյանին, որպես գործընկերոջ, իհարկե, վաղուց գիտեմ: Եղել է, որ նաև նույնլրատվամիջոցում ենք աշխատել ու ես, գոնե իմ կողմից, միայն դրական հիշողություններ ունեմայդ շրջանից:

«Թավշյա»՝ չասեմ, թե ինչից հետո, ավելի ճիշտ, դրանից էլ որոշ ժամանակ անց, ԹաթուլՀակոբյանը հանդես եկավ մի հրապարակմամբ, որտեղ «դասակարգել» էր «Փաշինյանիիշխանության քննադատներին»: Այդ հրապարակման վերաբերյալ իմ կարծիքն ազնվորենհայտնել եմ հեղինակին, նաև հայտնել եմ առնվազն ֆեյսբուքյան ընկերակցույթունը դրապատճառով դադարեցնելու մասին և միմյանց հրաժեշտ ենք տվել: Ես՝ առանց չարության: Վստահ եմ՝ ինքն էլ: Ուղղակի դա իմ ընկալման սկզբունքի հարց էր, այդքան բան: Ինչևէ:

Գիտեմ, իհարկե, որ Թաթուլն այս օրերին Արցախում է և այնտեղ կատարում է իրմասնագիտական պարտքը, ինչը, բնականաբար, գնահատելի է:

Այսօր, երբ տեսա թվով երևի երրորդ գրառումը, մոտավորապես այն շեշտադրմամբ, որ«զոմբի-ֆեյք» բրիգադները վրա են տվել Թաթուլ Հակոբյանի վրա՝ նրա գրառման պատճառով, հետաքրքրվեցի, թե մարդը, այն էլ՝ գործող իշխանության անթաքույց համակիր մարդն այդ ի՞նչէ ասել, որ «զոմբի-ֆեյք» բրիգադները հասել են վրան:

Պարզվեց, որ Թաթուլ Հակոբյանն ասել է այն, ինչը պաշտոնապես հաղորդվել է, մասնավորապես, Արցախի նախագահի խոսնակի կողմից, որ Իշխանաձորի մոտ մարտեր ենընթանում:

Ով չգիտե, թե դա որտեղ է, կարող է կյանքում թեկուզ առաջին անգամ նայել քարտեզին, երևիկհասկանա: Թաթուլ Հակոբյանն ընդամենը ի մի է բերել այդ տեղեկությունը և արձանագրելայն, ինչ կա: Վերջ:

Բայց պարզվում է, կոչերով, չգիտեմ ինչերով «վայ, աստված ամա՜ն»-ներով «մտածող» միահագին մասսա ուզում է շարունակել ապրել լայն ՓԱԿՎԱԾ աչքերով, ականջներով, իր «բայու-բայու» վիրտուալ չիրականության ու «կոմֆորտ-զոնայում»: Ու վայն եկել է նրան, ով հանկարծայդ «տարածքին» թեկուզ ծուռ հայացքով կնայի, մեկնաբանություններով սրախողխող կանեն, հատկապես՝ «հեռվից սիրողները»: Ինչևէ:

Մի բան կարող եմ ասել: ավելի ճիշտ, ոչ բառացի մեջբերմամբ կրկնել Արա Սահակյանի՝ այսօրլսածս հարցազրույցում ասած միտքը.

Ասե՛ք ճշմարտությունը: Ճշմարտությունն է, որ կարող է ոտքի հանել ամբողջ ազգին, ճշմարտությունն է, որ կարող է միավորել: Մինչև ի վիճակի չլինես ընդունել իրականություննայնպիսին, ինչպիսին կա, չես կարող այն փոխել ու դարձնել այնպիսին կամ մոտիկ այնտարբերակին, ինչպիսին ուզում ես:

Հ.Գ. Հուսով եմ, որ Թաթուլ Հակոբյանը՝ իր այսօրվա կարճ-կոնկրետ գրառմանը հաջորդածմաղձաթափությունից հետո լիովին ընկալել է, թե ինչու էի ես ժամանակին «ծանր տարել» քննադատողներին սորտավորելու իր հրապարակումը: