Երևանի թատրոնի և կինոյի պետական ինստիտուտն այս օրերին վերածվել է կարի յուրօրինակ արտադրամասի: Կամավորները մեր հայրենիքի պաշտպանների համար անձրևանոցներ են կարում, ապա ուղարկում ռազմաճակատ։

Այս նախաձեռնության կազմակերպիչներից Լիլիթը MegaNews.am-ի հետ զրույցում պատմեց՝ այստեղ հավաքվել են տարբեր մասնագիտություն ունեցող մարդիկ, որոնց նպատակը մեկն է՝ թիկունքից սատար կանգնել մեր քաջ զինվորներին, միասին մեկ բռունցք դարձած՝ պայքարել մեր հաղթանակի համար, ներդրում ունենալ այդ հաղթանակի կերտման գործում։

Կամավորներից յուրաքանչյուրն իր աշատանքի վրա է կենտրոնացած․ նրանցից մի քանիսը կտրում են ու ձևում անձրևանոցի համար նախատեսված կտորը կամ պոլիէթիլենային թաղանքները, մյուսները կարում են դրանք կարի մեքենայով կամ արդուկով ամրացնում, մյուս խմբերն էլ արդեն պատրաստի անձրևանոցները հավաքում են, դրանց վրա ամենաջերմ ու ոգևորող բարեմաղթանքները գրում, ծալում, խնամքով դասավորում հատուկ արկղերի մեջ, որոնք ուղարկվում են ռազմաճակատ։

Կամավորները միաբերան նշում են՝ սա նվազագույնն է, որ կարող են անել մեր քաջերի համար, իրենք չեն հոգնում, սիրով ու հոգատարությամբ են կատարում իրենց գործը՝ հուսալով, որ շուտով մեր քաջերի մղած արդար պայքարը կպսակվի հաղթանակով։

Մանրամասները՝ տեսանյութում