Պոմպեոն մեղադրանքներ է հնչեցրել Ռուսաստանի հասցեին
РИА «Новости» լրատվական գործակալությա փոխանցմամբ՝ ԱՄՆ պետքարտուղարության ղեկավար Մայք Պոմպեոն մեկնաբանել է ԱՄՆ արդարադատության նախարարության որոշումը, որով Ռուսաստանի վեց քաղաքացի մեղադրվում է այլ երկրների ենթակառուցվածքների վրա հաքերային հարձակումների մեջ: Գրում է Gazeta.ru-ն։
Նա հայտարարել է, որ Ռուսաստանը արհամարհում է կիբերտարածքում «միջազգային կայունությունը» և «հանրային անվտանգությունը»:
«Ռուսաստանը, որն իրեն ներկայացնում է որպես կիբերտարածության կայունության ջատագով, իրականում համաշխարհային համացանցում ամենամեծ խռովարարներից մեկն է», - հավելել է Պոմպեոն:
Պետքարտուղարը Ռուսաստանին մեղադրել է «անպատասխանատու պահվածքի» մեջ և կոչ արել «վերջ տալ դրան»:
Ավելի վաղ Ամերիկայի արդարադատության նախարարությունը վեց ռուսաստանցիների մեղադրել էր հաքերային հարձակումների, ինչպես նաև այլ երկրների ենթակառուցվածքների և ընտրությունների վրա հարձակման նպատակով չարամիտ ծրագրեր տարածելու մեջ: Վաշինգթոնը նրանց կասկածում է նաև Ռուսաստանի զինված ուժերի գլխավոր շտաբի գլխավոր վարչության հետ համագործակցության մեջ:
Ռուսաստանը բազմիցս հերքել է տարբեր երկրներում ժողովրդավարական գործընթացների վրա ազդելու փորձ կատարելու մեղադրանքները: Ռուսաստանի արտգործնախարար Սերգեյ Լավրովը նշել է, որ այդ մեղադրանքներն անհիմն են և դրանց ապացույց չկա:
