Apple ապրանքանիշը ութերորդ տարին անընդմեջ ամենաթանկարժեք  ապրանքանիշը է  ճանաչվել։  Այդ մասին վկայում են Interbrand  ընկերության 2020թ․  տարեկան հետազոտության տվյալները:  Գրում է Gazeta.ru-ն։

Վերջին մեկ տարվա ընթացքում  ապրանքանիշի գինն աճել է 38% -ով՝  կազմելով 323 մլրդ դոլար:

Երկրորդ տեղում Amazon ապրանքանիշն է (200,7 միլիարդ դոլար), երրորդում ՝ Microsoft  (166 միլիարդ դոլար), չորրորդում ՝ Google  (165,4 միլիարդ դոլար), հինգերորդում ՝ Samsung  (62,3 միլիարդ դոլար)  կորպորացիաները:

Տասնյակում ընդգրկված են նաև  Coca-Cola, Toyota,  Mercedes-Benz, McDonald's, Disney  ընկերությունները:  Առաջին տասնյակին բաժին է ընկնում  լավագույն 100 ապրանքանիշերի ընդհանուր արժեքի կեսը: