Միջէթնիկ հակամարտությունների փորձագետ Նաիրի Հոխիկյանը ֆեյսբուքյան իր էջում գրել է. «Ասորի ազգը ևս մասնակցում է պատերազմին․․․

Արցախը կանգուն պահելու համար պայքարում է ոչ միայն հայ ժողովուրդը։ Հայաստանի ասորական համայնքն արդեն մարտադաշտ է ուղարկել մոտ 140 մարդու՝ ժամկետային, կամավորական և պայմանագրային ծառայության: Հայաստանի ասորիները ևս զոհեր ունեն։ Արդեն 4 ասորի կյանք է տվել հայկական հողերի համար։
Հայ ժողովրդի բարեկամ այս ազգն իր ներդրումն ունի նաև թիկունքային աշխատանքներում։ Պատերազմի 24 օրվա ընթացքում ասորիները 6 մեքենա հումանիտար օգնություն են ուղարկել Արցախ՝ զորքին և բնակչությանը, Արզնիում բազմաթիվ արցախցիներ ժամանակավոր կացարաններ են ստացել հենց ասորիների տներում:
Ռուսաստանից և մի շարք այլ երկրներից ասորի գործարարները հսկայական գումար են փոխանցել «Հայաստան» համահայկական հիմնադրամին։ Ասորական մի կազմակերպություն էլ արցախցի 1400 ընտանիքի համար հումանիտար օգնություն է ուղարկել, որը տեղ կհասնի օրերս։

Փառք հայ ազգի մեծ բարեկամ ասորի ազգին»: