«Բարգավաճ Հայաստան» կուսակցության ղեկավար Գագիկ Ծառուկյանը դուրս եկավ ԱԱԾ-ից: Լրագրողների հետ զրույցում նա ասաց, որ այս ընթացքում եղել է ժողովրդի կողքին, զանգահարել է տարբեր տեղեր, իր անունից օգնություն և աջակցություն տրամադրել մարդկանց:

«Միասնականության նպատակը հաղթելն է, որևէ մեկն այս պահին այլ հարց քննարկելու իրավունք չունի: Ամեն մեկն իր հնարավորության սահմաններում պետք է ամեն ինչ անի՝ ընդհանուր նպատակներն իրականություն դարձնելու համար»,- ասաց նա։

Խոսելով պատերազմական դրության ժամանակ իր հետագա քայլերի հաջորդականության մասին՝ նա ասաց, որ այդպիսի քայլեր արել է, անում է և շարունակելու է անել։ Գագիկ Ծառուկյանը նաև նշեց, որ այս ընթացքում կօգնեն կամավորական խմբերին, քանի որ «սա մեր ազգի խնդիրն է, և մեր ճակատագիրն է որոշվում»: «Մենք միշտ գործում ենք, մենք չենք խոսում»:

Մանրամասները՝ տեսանյութում։