Եվրոպայի երկրներում սկսել են չեղարկել ավանդական սուրբծննդյան տոնավաճառները։ Պատճառը կորոնավիրուսն է։ Այս մասին հայտնում է «Интерфакс»-ը՝ հղում անելով եվրոպական ԶԼՄ-ներին։

Մասնավորապես, այս տարի տոնավաճառի անցկացումից հրաժարվել է Ստրասբուրգը։ 2019 թվականին Ստրասբուրգի սուրբծննդյան տոնավաճառ էր այցելել 2 մլն մարդ։

Տոնավաճառը չի կայանա նաև Բեռլինում։ Տարեկան բեռլինյան տոնավաճառ է այցելում միջինը մոտ 1 մլն մարդ։

Շոտլանդիայի կառավարության առողջապահական հարցերով խորհրդական Ջեյսոն Լիտչը բոլորին կոչ է արել այս տարի պատրաստվել «թվային Սուրբ Ծննդի»։

Իռլանդիայի իշխանությունները կոշտ սահմանափակումներ են մտցրել կորոնավիրուսի դեմ պայքարի համար՝ փորձելով մինչև Սուրբ Ծնունդ կարգավորել իրավիճակը։

Վերջին շաբաթներին Եվրոպայի երկրներում հաղորդվում է կորոնավիրուսով հիվանդացության աճի մասին։