Մինչ մենք խոսում ենք, հաղորդագրություններ եմ ստանում Ադրբեջանի կողմից Արցախի բնակավայրերի թիրախավորման մասին․ Զ․Մնացականյանը՝ CNN-ի եթերում
Հայաստանի արտգործնախարար Զոհրաբ Մնացականյանը հարցազրույց է տվել CNN հեռուստաընկերությանը: Քրիստիան Ամանպուրին տված հարցազրույցում նա մասնավորապես ասել է.
«Լեռնային Ղարաբաղի մեր հայրենակիցները պիտի ապրեն ազատ, արժանապատիվ և անվտանգ: Մինչ մենք խոսում ենք, քանի որ մենք այստեղ՝ Վաշինգտոնում ենք, ես հաղորդագրություններ եմ ստանում Լեռնային Ղարաբաղից, որ Ստեփանակերտ, Մարտունի և Հադրութ քաղաքները հերթական անգամ դարձել են կատաղի հրետակոծության թիրախ Ադրբեջանի կողմից»:
