ԱՄՆ նախագահի անվտանգության հարցերով խորհրդական Ռոբերտ Օ՛Բրայանը կիրակի օրը CBS News-ին տված հարցազրույցում անդրադարձել է ղարաբաղյան հակամարտության խնդրին՝ ասելով. «Նախագահի հանձնարարությամբ մենք այս հանգստյան օրերին փորձել ենք որպես միջնորդ՝ խաղաղություն հաստատել Հայաստանի և Ադրբեջանի միջև: Հայաստանն ընդունել է հրադադարի ռեժիմի հաստատման առաջարկը, իսկ Ադրբեջանը՝ դեռ ոչ: Մենք այժմ ջանքեր ենք գործադրում որպեսզի նրանք ընդունեն դա»: