Ինչպես հայտնի է, «Բարգավաճ Հայաստան» խուսակցության առաջնորդ Գագիկ Ծառուկյանը կալանքից ազատվելուց անմիջապես հետո անցել է հայրենիքին աջակցելու նվիրական գործին։ Իհարկե, նույնիսկ անազատության մեջ գտնվելու ժամանակահատվածում Գագիկ Ծառուկյանն իր ուժերի ներածին չափով աջակցել է հայրենիքին ու հայրենյաց պաշտպաններին, հոգով ու սրտով իր հայրենակիցների կողքին է եղել։

«Երբ արդեն պարոն Ծառուկյանն ազատության մեջ էր, հենց հաջորդ օրը քաղխորհրդի նիստ ենք գումարել և Գագիկ Ծառուկյանի ելույթի տեքստը հրապարակվեց։ Այդ կոչն ուղղված էր «Բարգավաճ Հայաստան» կուսակցության անդամներին, համակիրներին և, առհասարակ, ՀՀ քաղաքացիներին։ Այս գործողություններն ու աջակցության ծրագրերը, որոնք այժմ իրականացվում են, չեմ կարող մանրամասնել հասկանալի պատճառներով։ Բայց, կարող եմ ասել՝ մի շարք խնդիրներ կան, որոնց հետ կապված՝ դիմել են պարոն Ծառուկյանին և, բնականաբար, պարոն Ծառուկյանը աջակցելու, օժանդակելու պատրաստակամություն է հայտնել։ Այս ամենի մասին, գուցե հետագայում խոսվի, բայց այժմ այդ մասին չեմ կարող խոսել», — MegaNews.am-ի հետ զրույցում նշեց ԱԺ «Բարգաված Հայաստան» խմբակցության պատգամավոր Շաքե Իսայանը։

Անդրադառնալով մյուս աշխատանքներին՝ պատգամավոր Շաքե Իսայանը նշեց՝ ԲՀԿ տարածքային կառույցները ակտիվորեն համակարգում են կամավորական ջոկատների ստեղծման գործընթացը։

«Հենց այս պահին էլ մենք կուսակցության գրասենյակում ենք, զանգեր ենք ստաում և փորձում հերթագրել կամավորագրվողներին, համակարգել կամավորական ջոկատների կազմավորման հետ կապված հարցերը, ապա Արցախ մեկնող մարդկանց ապահովում ենք համապատասխան համազգեստով ու անհրաժեշտ պարագաներով», — ընդգեց Շաքե Իսայանը։

Ի հավելումն վերոնշյալի՝ թերևս, պետք է ընդգծել՝ մեր ժողովուրդն այս օրերին վերահաստատում է Գարեգին Նժդեհի մարգարեական խոսքերը․ «Երբ ազգը բանակ է դառնում, նրան անհնար է ծնկի բերել»։

Հասմիկ Սարգսյան