Աշոտ Անդրեասյանը գրում է․

«Հարգելի՛ հայրենակիցներ,

Ցանկանում եմ տեղեկացնել, որ ԲՀԿ նախագահ Գագիկ Ծառուկյանի՝ կամավորական ջոկատներ կազմելու կոչից հետո, ՀՀ ողջ տարածքով մեկ ընթանում են հավաքագրման և կազմակերպչական աշխատանքներ:

Տեղեկացնում ենք, որ կազմավորման վերջնական փուլում է Երևանի ԲՀԿ տարածքային կառույցների և ԲՀԿ երիտասարդների միության կամավորականների ջոկատը, ովքեր ևս անսալով Գագիկ Ծառուկյանի կոչին, առաջիկա օրերին կմիանան ռազմաճակատում պատմություն կերտող մեր քույրերին և եղբայրներին:

Միևնույն ժամանակ նշեմ, որ արդեն իսկ կազմավորված մի քանի ջոկատներ՝ ԱԺ ԲՀԿ պատգամավորներ Էդուարդ Բաբայանի, Հրանտ Մադաթյանի, Տիգրան Ստեփանյանի, Արայիկ Աղաբաբյանի ուղեկցությամբ, գտնվում են տարբեր մարտական դիրքերում:

Գործընթացն ամբողջությամբ համաձայնեցվում է ՀՀ ՊՆ ԳՇ հրամանատարության հետ, և երկուշաբթի օրը գործընթացը համակարգողները կհանդիպեն ԳՇ իրավասու պաշտոնյաների հետ՝ զորավարժանքների և հետագա քայլերի քննարկման համար»: