«Ուզում եմ դիտարկում հնչեցնել՝ կապված ռազմական դրության հետ»,- Ազգային ժողովի պաշտպանության և անվտանգության հարցերի ու ֆինանսավարկային և բյուջետային հարցերի հանձնաժողովների նիստի ժամանակ դիմելով փոխոստիկանապետ Արա Ֆիդանյանին՝ ասաց հանձնաժողովի նախագահ Անդրանիկ Քոչարյանը;
«Շարունակվում են խայտառակ գրառումները՝ հաշվի չառնելով ռազմական դրության պայմաններում իրականացվող միջոցառումները և մեր սահմանային իրավիճակը։ Այսօր առավոտյան տեսա, թե ինչ խայտառակ գրառում էր արել քաղաքական հարթակում իրեն ընդդիմություն հայտարարած Ղազինյանը․․․ Ակնկալում եմ, որ մեր ուժային կառույցները շատ ավելի կոշտ արձագանքեն նման դրսևորումներին»,- ասաց Քոչարյանը՝ նշելով, որ գրառումները հեռացնելը հարցի լուծում չէ։
«Այդ մարդիկ պիտի հասկանան, որ այդ նյութերը տարածվում են և հակառակորդին այդպիսով ոգեշնչում ենք․․․ Գրում են, իրենց «մունդռիկությունն» անում են, ասում ենք՝ այս ի՞նչ է, գրառումը հեռացնում են, բայց այդ մեքենան շարունակում է աշխատել։ Մեր զինվորն այնտեղ հերոսապատում է կերտում, իսկ այստեղ խմբեր են ձևավորվել և բանակին հեղաշրջող կոչեր են անում»,- զայրացավ Անդրանիկ Քոչարյանը։