«Դեռ անցնող ողջ գիշերվա ընթացքում Արցախի հյուսիս-արևմտյան սահմանագոտու ողջ երկայնքով Ադրբեջանի ԶՈՒ-երը ձեռնարկել են լայնածավալ հարձակման մի քանի փորձեր, որոնք բոլորը տապալվել են․․․ Որոշ ստորաբաժանումներ, մնալով ծուղակում, մինչև վերջ հրետանային կրակով ջախջախվել են»,- այսօրվա ճեպազրույցում ներկայացնելով իրավիճակը սահմանագոտում, հայտնեց ՊՆ ներկայացուցիչ Արծրուն Հովհաննիսյանը։

Նա նշեց, որ վաղ առավոտյան սահամանագոտու այլ հատվածներում՝ հյուսիսում, Մարտակերտի ուղղությամբ, կենտրոնական ուղղությունում՝ Մարտունու ուղղությամբ, հարավային հատվածում՝ տարբեր ուղղություններով, հարձակման մի քանի փորձեր են իրականացվել։ «Այսօրվա հարձակումներն իրենց սաստկությամբ, ուժգնությամբ որոշակիորեն տարբերվում են նախորդ օրերի հարձակումներից։ Բոլոր ուղղություններում թշնամու հարձակումները տապալվել են, հետ են շպրտվել, նույնիսկ մեր ստորաբաժանումներին հաջողվել է հետապնդել և որոշակի դիրքային փոփոխություն ունենալ»,- ասաց նա։