ԱՄՆ նախագահի դեմոկրատ թեկնածու Ջո Բայդենը հաղթել է խոշորագույն նահանգ Կալիֆորնիայում։ Այդ նահանգում հաղթանակն ընտրիչների կոլիգիայի քվեարկության ժամանակ կապահովի 55 ընտրիչի ձայն։ Նա առաջատար է նաև Վաշինգտոն նահանգում (12) և Օրեգոնում (7)։ Այս մասին հայտնում է Fox News-ը՝ նշելով, որ Բայդենը հավաքել է 207 ընտրիչի ձայն ընդդեմ Թրամփի 148 ձայնի։ CNN-ի տվյալներն ավելի զգուշավոր են, ըստ որոնց՝ Բայդենը հավաքել է 192 ընտրիչի ձայն ընդդեմ Թրամփի 108 ձայնի։ Ընտրություններում հաղթանակի համար անհրաժեշտ է 270 ընտրիչի ձայն։

ԱՄՆ ընտրական համակարգը նախատեսում է պետության ղեկավարի անուղղակի ընտրություններ։ Նախագահին ընտրում է նահանգները ներկայացնող ընտրիչների 538 հոգանոց կոլեգիան։ Յուրաքանչյուր նահանգից ընտրիչների թիվը հավասար է Կոնգրեսում տվյալ նահանգի ներկայացուցիչների թվին։ Ընտրիչները պետք է քվեարկեն թեկնածուի օգտին, ով հաղթել է իրենց նահանգներում, սակայն պարտավորեցնող որևէ օրենք չկա։ Այսպիսով՝ թեկնածուն կարող է ստանալ ամերիկացիների առավելագույն թվով ձայները, սակայն պարտվել՝ ընտրիչների քիչ ձայների պատճառով։