Քննչական կոմիտեի ղեկավարը առաջնագիծ է մեկնել 100-ից ավելի քննիչների հետ
Քննչական կոմիտեի ղեկավար Հայկ Գրիգորյանը առաջնագծում է։ Նա առաջնագիծ է մեկնել 100-ից ավելի քննիչների հետ։ Այս մասին ԱԺում լրագրողների հետ զրույցում հայտնեց ՀՀ քննչական կոմիտեի նախագահի տեղակալ-հատկապես կարևոր գործերի քննության գլխավոր վարչության պետ Արթուր Մելիքյանը։
Գրիգորյանը անձամբ ղեկավարում է կոմիտեի կամավորների աշխատանքը։ Արթուր Մելիքյանը հավելեց, որ քննիչներից բաղկացած մեկ կամավորական վաշտ էլ առաջնագիծ կմեկնի այս շաբաթ։ Մելիքյանը վստահեցրեց նաև կամավորագրումը կատարվում է այն ծավալով, որ քննվող գործերի վրա ազդեցություն ունենալ չեն կարող։
Գերեվարված սիրացի վարձկանների հետ կապված Քննչական կոմիտեում քննվող քրեական գործի նշանակությունը շատ մեծ է ինչպես քաղաքական, այնպես էլ իրավական առումով, վստահեցրեց Քննչական կոմիետի ղեկավարի տեղակալը՝ հավելելով, որ շուտով կլինեն նաև այլ ապացույցներ․
«Այս պահին ներգրավված են երկու անձինք»։
Ռազմագերիների վերաբերյալ, քննչական կոմիտեի ղեկավարի տեղակարը վստահեցրեց, ակտիվ աշխատում են Կարմիր խաչի հետ։ Քննչական կոմիտեի վարույթում կա 9 քրեական գործ կապված Արցախից զենք բերելու դեպքերի հետ։ Նրա խոսքով՝ սա կատարել են հիմնականում պահեստազորայինները, տեղափոխել են ռազմամթերք և հրազենային միջոցներ։ ԱԱԾ-ն, Ոստիկանությունը, Ռազմական ոստիկանությունը ունեն համապատասխան պահակակետեր՝ նման իրավիճակները բացառելու համար, վստահեցրեց Մելիքյանը։
