Ռուսաստանի նախագահն այսօր դարձյալ անդրադարձել է Արցախում ընթացող ռազմական գործողություններին: Նրա խոսքով՝ հնարավոր էր այս հարցը կարգավորել խաղաղ ճանապարհով՝ չդիմելով զենքի: Պուտինը հայտարարել է, որ Ռուսաստանը ամեն ինչ անում է հակամարտությանը արագ վերջ տալու համար՝ կապի մեջ լինելով Հայաստանի և Ադրբեջանի հետ և հույս ունի հասնել արդյունքների: Ռուսաստանի նախագահն այս մասին խոսել է տարբեր դավանանքների ներկայացուցիչների հետ տեսակոնֆերանսի ժամանակ:

«Գիտեք, Ռուսաստանն իրենից կախված ամեն ինչ անում է, որպեսզի Հարավային Կովկասում հակամարտությունն ավարտվի: Եվ որքան հնարավոր է շուտ, որպեսզի  հնարավոր լինի պահպանել դեմ առ դեմ կանգնած մարդկանց կյանքը, որոնք, ցավոք, մինչ այժմ իրար նայում են ինքնաձիգների, հրացանների նշանոցներում, իրար դեմ զենք են կիրառում նպատակի հասնելու համար, որին, մեր խորին համոզմամբ, հնարվոր էր հասնել խաղաղ կարգավորման գործընթացում:

Հույս ունեմ, որ մեզ կհաջողվի հասնել արդյունքի այնպիսի հիմքով, որը ձեռնտու լինի տարածաշրջանում ապրող բոլոր մարդկանց, ընդ որում, դրան հասնել խաղաղ ճանապարհով»,- ասել է Պուտինը: