ՈՒԵՖԱ-ն «Քարաբախ»-ի մամուլի քարտուղարին զրկել է ֆուտբոլային գործունեությունից
ՈւԵՖԱ-ն ադրբեջանական «Քարաբախ» ֆուտբոլային ակումբի մամուլի քարտուղար Նուրլան Իբահիմովին զրկել է ֆուտբոլային գործունեությունից:
«Արմենպրես»-ի հաղորդմամբ` Ֆուտբոլի եվրոպական ասոցիացիան ավելի վաղ հետաքննություն էր սկսել «Քարաբախի» մամուլի ծառայության ղեկավար Նուրլան Իբրահիմովի նկատմամբ` ռազմատենչ հրապարակումների, միլիտարիստական պահվածքի, հայատյաց գրառումների վերաբերյալ:
ՈւԵՖԱ-ն որոշում է կայացրել Նուրլան Իբրահիմովին ժամանակավորապես զրկել ցանկացած ֆուտբոլային գործունեությունից՝ մինչև ՈՒԵՖԱ-ի վերահսկողության, էթիկայի և կարգապահության հանձնաժողովի նոր որոշումը գործի հետ կապված:
