Վրաստանում արձանագրվել է կորոնավիրուսի 2 401 նոր դեպք: Այս մասին հայտարարել է միջգերատեսչական համակարգող խորհրդին կից գործող օպերատիվ շտաբի ղեկավար Ալեքսանդրե Խոջևանիշվիլին՝ կառավարության վարչությունում անցկացված մամուլի ասուլիսի ժամանակ, փոխանցում է 1tv.ge-ն։

Այսպիսով, այս պահի դրությամբ Վրաստանում հաստատված է նոր կորոնավիրուսի 49 218 դեպք: Ապաքինվել է ևս 2 289 պացիենտ և նրանց ընդհանուր թիվը կազմում է 33 459: Այս պահին երկրում կա կորոնավիրուսի 15 332 ակտիվ դեպք:

Կորոնավիրուսից մահացել է ևս 20 մարդ: Զոհերի ընդհանուր թիվը կազմում է 401:

Վարակակիցներից 4489-ը բուժում է ստանում հիվանդանոցում, որոնցից 638-ի վիճակը ծանր է, 293-ը միացված են արհեստական շնչառության սարքին:

Կարանտինի ռեժիմում է մնում 3 160 մարդ, ինքնամեկուսացման մեջ՝ 28 690-ը: