Հաշվի առնելով պատերազմական իրավիճակը՝ հնարավոր է արդյո՞ք, որ դպրոցներում նախնական զինվորական պատրաստություն առարկայի դասաժամերն ավելացվեն ու փոխվի ուսուցման մեթոդիկան:

Այսօր մամուլի ասուլիսի ժամանակ ԿԳՄՍ փոխնապարար Ժաննա Անդրեասյանն ասել է, որ դեռևս մինչև պատերազմական դրությունը նախաձեռնվել էր չափորոշիչների վերանայման գործընթաց. «Վերանայվող չափորոշիչներից մեկը վերաբերում էր ՆԶՊ-ին-ին»:

Փոխնախարարը հայտնել է, որ հարցը քննարկել են ՊՆ-ին, ռազմական բուհերի, ԱԻՆ-ի հետ, ինչի հիման վրա զգալի վերանայում է եղել. «Մենք ամբողջությամբ հաշվի ենք առնում բոլոր ռիսկերն ու մարտահրավերները, որոնք կան, որոնք պետք է լուծել այս առարկայի շրջանակներում»:

Անդրեասյանը նշել է, որ նախատեսվում է չափորոշչի վերանայման հետ մեկտեղ ներդնել նախնական զինվորական պատրաստության մարզառազմական ճամպարների կարգը, որը թույլ է տալու ապահովել գործնական բաղադրիչը. «Բայց շեշտեմ, որ խոսքը միայն ռազմագիտության մասին չէ, խոսքը նաև քաղաքացիական պաշտպանության կարևորագույն գիտելիքների, հմտությունների մասին է: Այդ առումով մեծ անելիք կա»: