ՀՀ ԿԳՄՍ նախարարության ֆեյսբուքյան էջը տեղեկացնում է, որ նոյեմբերի 8-ին՝ ժամը 12։00-ին, Սբ. Աննա և Սբ. Կաթողիկե եկեղեցիների բակում տեղի կունենա բարեգործական համերգ, որի ընթացքում հավաքված ողջ գումարը կուղղվի «Զինծառայողների ապահովագրության հիմնադրամ»-ին:

Համերգին ելույթ կունենան «Կոմիտաս» ազգային քառյակը /գեղարվեստական ղեկավար՝ Էդուարդ Թադևոսյան/, «Հովեր» պետական կամերային երգչախումբը /խմբավար՝ Սոնա Հովհաննիսյան/,  Հայաստանի ազգային ֆիլհարմոնիկ նվագախմբի մենակատարները /գեղարվեստական ղեկավար՝ Էդուարդ Թոփչյան/, նաև երգիչ, երգահան Վահան Արծրունին, դուդուկահար Նորայր Քարտաշյանը, ակուստիկ դուետ՝ Լիլիթ Բլեյանը ու Տիգրան Տեր-Ստեփանյանը և դերասան Արթուր Կարապետյանը: