Եզդիական երկրորդ ջոկատի տղերքս առաջնագծում թշնամու դիվերսիայի մաման լացացրել են. ԱԺ պատգամավոր
ՀՀ ազգային ժողովի՝ ազգությամբ եզդի պատգամավոր Ռուստամ Բաքոյանը Ֆեյսբուքի իր էջում տեսանյութ է հրապարակել և կից գրել.
Եզդիական երկրորդ ջոկատի տղերքս առաջին օրը արդեն առաջնագծում թշնամու դիվերսիայի մաման լացացրել են ու մի քանիսին էլ մատաղ արել.
Հիշեցնենք, որ Բաքոյանը սեպտեմբերի 28-ին ԱԺ-ում ելույթ ունենալիս հայտարարել էր, որ եզդիական ջոկատ են ձևավորել, պատրաստ են մեկնել Արցախ:
«Եզդիական համայնքը մշտապես և հիմա էլ կանգնած է հայ ժողովրդի կողքին: Այսօր էլ, ցավոք, ունենք եզդի երկու զինվոր, որոնք վնասվածք են ստացել, վիրավորվել են: Մեկը ծանր վիճակում է, մյուսը՝ միջին ծանրության: Երեկ երեկոյան մենք եզդիներով եզդիական ջոկատ ենք ձևավորել և պատրաստ ենք այսօր մեկնել Արցախ՝ պաշտպանելու մեր սահմանը, ինչպես դա արեցինք Ապրիլյանի ժամանակ, և այդ հողը Թեմուրի, Քյարամի, Սիդարի, Համլետի, Բորիսի արյունով է սրբագործվել:
Եվ մենք թույլ չենք տա, որ երբևէ այստեղ թշնամիներ հայտնվեն: Մենք այս հողի համար պայքարել ենք արյան գնով և հիմա էլ պատրաստ ենք պայքարելու»,- ասել էր պատգամավորը:
