ԱՄՆ Ջորջիա նահանգում Սենատի ընտրությունները կանցկացվեն երկու փուլով, քանի որ առաջինում հաղթողը չի որոշվել, ինչը, ամենայն հավանականությամբ, հետաձգում է հարցը, թե երկու կուսակցություններից որն առավել շատ ձայներ կհավաքի օրենսդիր մարմնի վերին պալատում հայտնվելու համար: Այս մասին են վկայում Associated Press գործակալության հրապարակած տվյալները։

Այդ տվյալների համաձայն՝ թեկնածուներից ոչ մեկը Սենատում երկու տեղերի համար պայքարում չի հավաքում ձայների 50 տոկոսը: Սա նշանակում է, որ 2021թ-ի հունվարի 5-ին կանցկացվի երկրորդ փուլ:

Ջորջիայում միանգամից երկու սենատոր են ընտրում այն պատճառով, որ հանրապետական Ջոն Իսակսոնն ավելի վաղ հիվանդության պատճառով հայտարարել էր հրաժարականի մասին: Արդյունքում նահանգում անցկացվում են ինչպես հերթական, այնպես էլ արտահերթ ընտրություններ: Երկրորդ փուլում կպայքարեն հանրապետական ​​Դևիդ Պուրդյուն և դեմոկրատների թեկնածու Ջոն Օսոֆը: Թեկնածուների երկրորդ զույգը հանրապետական Քելլի Լյոֆլերն ու դեմոկրատ Ռաֆայել Ուորնոքն է:

Համաձայն գործակալության գնահատականների՝ հանրապետական ու դեմոկրատ թեկնածուներն այժմ հավասար են առաջ ընթանում։