Ֆրանսիայի և Իտալիայի իշխանությունները նոյեմբերի 6 -ին արձանագրել են կորոնավիրուսի նոր դեպքերի ռեկորդային թիվ՝ համապատասխանաբար 60 486 և 37 809, հայտնում է Sante publique France-ը։

Վերջին 24 ժամվա ընթացքում COVID-ի հետևանքներից մահացել է 405 ֆրանսիացի: Պանդեմիայի սկսվելուց ի վեր երկրում կորոնավիրուսի հարուցած բարդություններից մահացածների թիվը հասել է 39 865-ի։ Երկրում ընդհանուր առմամբ հաստատվել է վարակման 1 661 853 դեպք։

Իտալիայի առողջապահության նախարարությունը հայտնել է մեկ օրում ռեկորդային քանակի թեստերի մասին։ Մեկ օրում մահացել է 446 մարդ՝ զոհերի թիվը հասցնելով 40 638-ի:

Համաճարակի սկզբից Իտալիայում վարակվել է 862 681 քաղաքացի, որոնցից 322 925-ը հաղթահարել է հիվանդությունը: