«Ես 10 րոպե առաջ խոսում էի Դավիթ Բեկի տղաների հետ, որոնց մարտական ոգին շատ բարձր էր, պատրաստակամ էին, մարտական հերթափոխից էին գալիս»,- այսօր ճեպազրույցի ժամանակ ասել է ՀՀ ՊՆ ներկայացուցիչ Արծրուն Հովհաննիսյանը՝ անդրադառնալով Սյունիքի մարզի Դավիթ Բեկ համայնքում տիրող իրավիճակին:

Հովհաննիսյանն ասել է, որ օրվա ընթացքում կրակելու փորձեր ադրբեջանական կողմն իրականացնում է, պատասխան էլ է ստանում, բայց ընդհանուր առմամբ՝ իրավիճակը «նորմալ է»: