Ղրիմի Դաշնային համալսարանի բժշկական ակադեմիայի հանրային առողջության և առողջապահության ամբիոնի դոցենտ սննդաբան Իրինա Սուխարևան նշել է սեզոնային մրգերը և հատապտուղները, որոնք կօգնեն վերականգնվել կորոնավիրուսից հետո, կամ կանխել հիվանդությունը:

«Առանձնահատուկ ուշադրություն պետք է դարձնել սննդին, քանի որ բացի COVID-19- ից այժմ կան սեզոնային այնպիսի հիվանդություններ, ինչպիսիք են գրիպը և սուր շնչառական վիրուսային ինֆեկցիաները: Սեզոնային բանջարեղենում և մրգերում կան շատ վիտամիններ։ Այնուամենայնիվ, պետք է ուշադրություն դարձնել այն փաստին, որ դրանք չեն փրկի COVID-19-ից և չեն բուժի այն: Հավասարակշռված սնունդը հիվանդության ժամանակ կամրապնդի օրգանիզմի իմունիտետը և կնպաստի վերականգնմանը»,- Սուխարևայի խոսքերը մեջբերել է համալսարանի մամուլի ծառայությունը:

Մասնավորապես, սննդաբանը խորհուրդ է տալիս սննդակարգի մեջ ներառել խուրմա, սերկևիլ, խաղող, չիչխան:

Մասնագետի խոսքով՝ անհրաժեշտ է սահմանափակել նաև քաղցրավենիքը:

«Կտրականապես չարժե պահպանել խիստ սննդակարգեր: Սնունդը պետք է լինի փոքր չափաբաժիններով` օրական հինգից վեց անգամ», – ասել է Սուխարևան:
Սննդաբանը նաև հավելել է, որ պետք է սերկևիլի կոմպոտ խմել և օրական ուտել 4-5 ընկույզ: