ՀՅԴ Հայաստանի Գերագույն մարմնի նախկին անդամ Արթուր Եղիազարյանը ֆեյսբուքյան իր էջում գրել է. «Այս օրը Շուշիի պաշտպանության թերևս ամենավճռական օրը կլինի։ Ալիևի կեղծ հայտարարությունից հետո, վստահ եմ, որ շուշիամերձ տեղանքներում կուտակված ադրբեջանաթուրքաահաբեկչական ողջ հրոսակախումբը կփորձի ամբողջ ներուժով իրականացնել Թուրքիայի Ադրբեջան վիլայեթի բռնակալի ցնորամիտ երազանքը։

Բայց ես վստահում եմ Հայոց Բանակին, հայ ռազմիկի աննկուն կամքին ու համոզված եմ, որ այս օրը պատմության մեջ կմտնի որպես թշնամու համար «Մեռած էին, թաղած չեն» խայտառակ պարտության օր։

Նրանք, որոնք ռազմի դաշտում չեն, մտքում ու աղոթքներում միասնաբար զորակցենք մեր անձնուրաց պաշտպաններին։ Աստված առաջ»։