Ինչ դերակատարություն ունի Շուշիի մարտերի հաջողություններում ՀՀ պաշըպանության նախկին նախարար Սեյրան Օհանյանը, որի մասին այս օրերին ադրբեջանական մամուլը շատ է գրում՝ պնդելով, թե ծանր վիրավորվել է: Ինչո՞ւ է Օհանյանն «արժանանում» այդպիսի հրապարակումների, ադյո՞ք պատճառը հաջողությունները չեն. այս մասին այսօր ճեպազրույցի ժամանակ հարցրել են ՀՀ ՊՆ ներկայացուցիչ Արծրուն Հովհաննիսյանին:

«Սեյրան Օհանյանը՝ Արցախի հերոս, լեգենդար զորահրամանատար, գեներալ-գնդապետ, իմ համար հրամանատար ու ուսուցիչ ռազմի գործում, Շուշիի ազատագրող լեգենդար հրամանատարն այս օրերին դարձել է Շուշին պաշտպանող լեգենդ: Ես հավատում եմ ու վստահ եմ, որ մենք նաև նրա հրամանատարությամբ նրա զինակիցների գործն ավարտին կհասցնենք փառքով»,- ասել  Հովհաննիսյանը:

Հովհաննիսյանն ասել է, որ կեղծ է լուրը, որ նա վիրավոր է, նման բան տեղի չի ունեցել:

«Նա այսօր էլ կանգնած է զորքի կողքին և կռվում է»,- ավելացրել է Հովհաննիսյանը: