Թբիլիսիի ԿԸՀ-ի շենքի մոտ իրավիճակն այս պահին ծայրահեղ լարված իրավիճակ է: Ոստիկանությունը խորհրդարանի շենքի մոտից ԿԸՀ-ի շենքի մոտ շարժվող խաղաղ ցուցարարների դեմ ջրցան մեքենաներ և ռետինե փամփուշտներ է կիրառել։ ՌԻԱ «Նովոստիի» թղթակցի հաղորդմամբ՝ նաև արցունքաբեր գազ է կիրառվել։

Ցուցարարները պահանջում են ԿԸՀ-ի նախագահ Թամար Ժվանիայի  հրաժարականը: Ցուցարարների թիվը ԿԸՀ-ի մոտ շարունակում է աճել:

Հիշեցնենք, որ այսօր՝ ժամը 15: 00-ին, ընտրությունների կեղծիքների դեմ բողոքի լայնամասշտաբ գործընթաց էր սկսվել նոր ընտրություններ անցկացնելու պահանջով: Ակցիան համախմբել էր մինչև 40 հազար մարդու: Ցուցարարները երեք պահանջ էին առաջ քաշել իշխանություններին ՝ անցկացնել նոր ընտրություններ, աշխատանքից ազատել Կենտրոնական ընտրական հանձնաժողովի ղեկավար Թամար Ժվանիային և ազատ արձակել քաղբանտարկյալներին: Պահանջները կատարելու համար ժամանակ էր տրվել մինչև 20:00: Վերջնագրի ավարտից հետո ցուցարարները շարժվել էին դեպի ԿԸՀ-ի շենք։