Մի խումբ քաղաքացիներ ներխուժել են Ազգային Ժողով և պահանջում են հրավիրել ԱԺ նիստ՝ չեղարկելու համար հրադադարի համաձայնագիրը։ Նրանք վստահեցնում էին, որ Ազգային ժողով եկած բոլոր պատգամավորների անվտանգությունը կապահովեն։

Նրանց մեջ է նաև «Արաբո» կամավորական ջոկատի հրամանատար Մանվել Եղիազարյանը։ «Թալանչիները և իշխանությունները շատ «վեցնոցներ» ունեն, որ գցում են ստեղ, պրովոկացիա են անում ու շեղում են մեզ ճիշտ ուղուց, ես կոչ եմ անում բոլոր նրանց ում մեջ հայու գեն կա՝ այս աննամուս վիճակից դուրս գալու համար՝ թող գան այստեղ, որ պատգամավորը չի գալիս՝ ասում ենք, քո կինը թուրքի սեփականությունն է, ու ստիպում ենք գալ այստեղ»,-ասաց Եղիազարյանը։

Նա ընդգծեց՝ մենք պայքարը շարունակելու ենք ավելի կատաղի։ «Եթե Ձեզ պետք չի Արցախը․ ուրեմն Ձեզ Հայաստան էլ պետք չի։ Էլի տալուն եք տալուն, ասելու եք, էս ոնց եղավ»։

Նա վստահեցրեց, որ այս պահին սահմանին խաղաղ է և որևէ կրակոց չի լսվում, սա նշանակում է, որ արդեն ստորագրված է համաձայնագիրը։

Լրագրողի հարցին, թե այս պահին ինչ է պետք անել, նա ասաց, որ 5 մարդու պետք է մաս-մաս անել, որ գողացել են թալանել են, իսկ էս ժողովուրդը որ կարողացել է այսքանով կտվել՝ հերոս ժողովուրդ է։