Հույս ունեմ, որ Օնիկ Գասպարյանը խոսել է Նիկոլ Փաշինյանի հետ. Մարուքյանը հույս ունի, որ Փաշինյանի հեռախոսը կվերցնեն ձեռքից
ԼՀԿ ղեկավար Էդմոն Մարուքյանը հանդիպել է ՀՀ ԶՈւ ԳՇ պետ Օնիկ Գասպարյանի հետ: Հանդիպման ժամանակ նա ասել է, որ ցանկանում են ռազմական դրությունը հանելու վերաբերյալ նախաձեռնությամբ հանդես գալ, սակայն ԳՇ պետը 7 օր ժամանակ է խնդրել ԶՈւ-ի համար: Մարուքյանն ընդունել է ԳՇ պետի առաջարկը:
«Ես ԳՇ պետին նաև ասել եմ՝ եթե մենք 7 օր ռազմական դրությունը չենք հանում, Նիկոլ Փաշինյանը չպետք է լայվերով, իր խոսքով, գործողություններով որևէ ձևով խաթարի երկրում քաղաքացիական համերաշխությունը: Որևէ ձևով նա չպետք է մարդկանց ուղղորդի բախումների, այլապես դա հղի է ծանր ու անդառնալի հետևանքներով:
Հույս ունեմ, Գասպարյանը խոսել է վարչապետի հետ: Անգամ հույս ունեմ, որ նրա հեռախոսն ինչ-որ մեկը վերջապես կվերցնի ձեռքից ու նա կդադարեցնի տարատեսակ կոչերը, ինչը կարող է տանել քաղաքացիական բախումների»,-ասաց նա:
