Իմ սիրելի Հայ Ազգ,

ՀՀ վարչապետի աթոռից ամեն գնով կառչած անձը, ով խոստանում էր Արցախի մասով որևէ թուղթ գաղտնի չստորագրել և Արցախի մասով նախապես ներկայացնել բոլոր մանրամասները, գիշերվա նենգ քողի ներքո գաղտնագողի քաղաքացիական պայմանագրի հետ միաժամանակ ստորագրեց նվաստացուցիչ կապիտուլացիայի համաձայանգիր, ինչի հիմքով ՀՀ-ում ռազմական դրությունը դե ֆակտո դադարել է գործել, որն էլ ապացուցվում է ՀՀ ՊՆ այն պաշտոնական հաղորդագրությամբ, որ արդեն մեկ օր է`մարտական գործողությունները դադարել են:

Մինչդեռ կապիտուլացիա ստորագրած անձը օգտագործում է ապօրինի շարունակվող ռազմական դրությունը, որպեսզի արգելված մնա քննադատությունը ու նրանց հրաժարականի պահանջը, ովքեր Հայոց երկու պետականություններին հասցրեցին անդառնալի վնաս:

Ես վաղը 13:00 լինելու եմ Ազատության հրապարակում Իմ, Քո և Մեր Ազգի համար:

Մեր պետությունը չի կարող ղեկավարել մի անձ, որը ստորագրում է անպարտելի բանակի կապիտուլացիա:

Կոչ եմ անում ոստիկանությանը երաշխավորել վաղվա հավաքի խաղաղ և բնականոն ընթացը: