ԱՄՆ կոնգրեսական Բրեդ Շերմանը դիմել է ԱՄՆ պետքարտուղարությանը և ԵԱՀԿ Մինսկի խմբի ամերիկացի համանախագահին, որպեսզի աշխատեն գործընկերների հետ՝ արդար և հավասարակշռված երկարաժամկետ կարգավորման հասնելու համար։ Այս մասին նա գրել է Twitter-ի իր էջում։
«Արցախի ինքնորոշման իրավունքը պետք է պահպանվի։
Ո՞վ է կազմել հրադադարի այս համաձայնագիրը: Ոչ այլ ոք, քան Պուտինն ու Էրդողանը։ Սա ամերիկյան ղեկավարության բացակայության արդյունք է։ Մենք չպետք է համակերպվենք Հայաստանին պարտադրված այս աղետալի գործարքի հետ։ Մենք սա չպետք է դիտարկենք որպես վերջնական կարգավորում։ 
Ռուսաստանի և Թուրքիայի աջակցությամբ հրադադարի պայմանները, որոնք վերջ դրեցին Ադրբեջանի կողմից Արցախի և Հայաստանի դեմ սանձազերծված բռնություններին, անարդար են: Թրամփի վարչակազմի բացակայությունը ակնհայտ էր և Հայաստանի ժողովրդի համար հանգեցրեց աղետալի արդյունքների»,- գրել է Շերմանը։

The terms of the Russia and Turkey-backed ceasefire ending Azerbaijan’s unprovoked violence against #Artsakh and #Armenia are unfair. The Trump Administration’s absence was glaring and led to disastrous results for the people of Armenia. (1/3)

— Rep. Brad Sherman (@BradSherman) November 12, 2020