Ազատության հրապարակում հանրահավաքի ավարտից հետո ոստիկանությունն անսպասելիորեն սկսեց բերման ենթարկել ցուցարարներին։ ԲՀԿ-ական պատգամավոր Իվետա Տոնոյանը հայտնեց, որ բերման են ենթարկել նաև խմբակցության պատգամավոր Էդվարդ Բաբայանին․ «Այս իշխանությունը ցնդաբանության կանխավարկածով է առաջնորդվում»,- ասաց Տոնոյանը:

Ոստիկանները հայտարարեցին, որ հավաքն ապօրինի է, և անմիջապես հեռանալ է պետք տարածքից։

Հիշեցնենք, որ վարչապետ Նիկոլ Փաշինյանի հրաժարականի պահանջով 17 ընդդիմադիրների հավաք-երթն այսօր ավարտվեց։ Այն կվերսկսվի վաղը՝ Ազատության հրապարակում, ժամը 16։00-ին։