Նիկոլը մեր վճարած հարկերով, Սփյուռքի ուղարկած գումարներով, շարունակում է բոլորիս խաբել, և մեզ խաբեբա և թուրքի առաջ ծնկած ղեկավար պետք չէ։ Այս մասին Ազատության հրապարակում հայտարարեց հասարակական գործիչ Ռուբեն Մխիթարյանը։

«Բոլոր այն մարդիկ, որոնք այս օրերի ընթացքում, երբ ես քննադատում եմ գերագույն գլխավոր դավաճանին, ինձ անընդհատ հարցնում են, թե ես ի՞նչ եմ արել Արցախի համար, որտեղի՞ց քեզ այդքան դուխ․ Պատասխանս հետևյալն է՝ երբ դուք 90-ականներին ձեր երեխաներին Հայաստանից հանում էիք միայն նրա համար, որպեսզի չգնան Արցախ ծառայելու, ես 98 թվականին, 15 տարեկան եղբորս Արցախից բերել եմ Լեննական՝ թաղման ծեսը կատարելու համար։

Իմ դուխը եղբորս գերեզմանն է, մորս արցունքներն են, իմ դուխը այստեղ կանգնած կռված տղերքն են»,-ասաց Մխիթարյանը և վանկարկեց՝ «Նիկոլ դավաճան»։