Սասուն Միքայելյան, կամանդիր, ես ձեզ շատ կհարգեմ: Դուք կռիվներով անցած տղա եք, բայց մի հարց տամ, երբ Դուք հայտարարեցիք, որ թավշյա հեղափոխությունն ավելի կարևոր է քան Արցախյան ազատամարտը, հա՞, ավելի կարևո՞ր էր: Ազատության հրապարակում հայտարարեց Ռուբեն Մխիթարյանը:

«Պարոն Միքայելյան, ԱԺ-ում, երբ Էդմոն Մարուքյանին մի փոքր բանի համար զարկեցիք բերնին, պատասխանեք, թե ինչ կանեիք նրան, եթե կապիտուլյացիայի մասին պայմանագիր ստորագրեր, ժողովուրդն ինչ կեներ: Նիկոլը դավաճան է»,-ասաց նա:

Մխիթարանը նաև հիշեցրեց Փաշինյանի խոսքերը, երբ վերջինս խոստացավ Արցախի մասին որոշում կայացնելուց առաջ անպայման հարցնել ժողովրդին. «Երբ Սերժ Սարգսյանը մի գիշերում մտավ ԵՏՄ, դու մատի փաթաթան էիր սարքել, իսկ հիմա դու մի գիշերում Արցախ ես հանձնում: Մենք չենք ուզում ապրել ստախոսի ղեկավարած երկրում»: