Այս մարդիկ այնքան շնորհք չունեցան, հազարավոր տղերքին հարգելու համար սգո օր հայտարարել, դրա համար վաղը մենք լռության ու սգո օր ենք հայտարարելու՝ ի հիշատակ մեր նահատակների, ի հիշատակ նրանց թափած արյան, որը երբեք ջուր չի դառնա: Վաղը ժամը 6-ին եկեք այստեղ մոմավառության, իսկ ով ի վիճակի չէ գալու, թող տանը վառի այդ մոմը՝ ի հիշատակ այդ տղերքի, որոնցից շատերը գերեզման էլ չեն ունենալու: Այս մասին Ազատության հրապարակում հայտարարեց Սպարտակ Սեյրանյանը:

Սեյրանյանը հայտարարեց, որ մյուս օրը ժամը 16:00-ին էլի հավաք է լինելու Ազատության հրապարակում, որպեսզի հեռացնեն Նիկոլ Փաշինյանին. «Երբ պայքարենք, այդ ժամանակ իրականություն կդառնա այն լոզունգը, որը 44 օր կրկնում էինք՝ հաղթելու ենք»: