Նիկոլ Փաշինյանի ստորագրած փաստաթղթով ստանում ենք ոչ թե ապագա, այլ պատերազմ ապագայում: Այս մասին Ազատության հրապարակում հայտարարեց Վարդան Ոսկանյանը:

Ոսկանյանը նշեց, որ Նախիջևանից դեպի, այսպես կոչվող, Ադրբեջան ձգվող ճանապարհը լինելու է մեր պետության կործանման սկիզբը, քանի որ այն կտրելու է մեր հայրենիքի պորտալարը, կենսական երակներից մեկը՝ սահմանն Իրանի հետ. «Այդտեղով անցնելու են թուրքերը: Որևէ մեկը պատրա՞ստ է նստել գնացքը, որն անցնելու է մեր նախնիների քարուքանդ եղած գերեզմանների կողքով: Ոչ: Որևէ մեկը պատրաստ չէ նստել գնացքը, որն անցնելու է մանրաքարերի վերածված խաչքարերի կողքով: Ոչ: Հետևաբար բոլորը պետք է մերժեն այս դավաճանական փաստաթուղթը: Այն ստորագրողը չպետք է ապագա ունենա մեր երկրում»:

«Նիկոլ, հեռացիր, Նիկոլ դավաճան»,-վանկարկեց Ոսկանյանը: