Սփյուռքի մեր հայրենակիցներ, հիշու՞ւմ եք, որ ամառները Հայաստան եք գալիս, որ ժպիտ էիք տեսնում մարդկանց դեմքերին: Էլ չեք տեսնելու: Իսկ մի քանի տարի հետո Հայաստանը չի լինելու: Այս մասին Ազատության հրապարակում հայտարարեց Արփինե Հովհանիսյանը:

Հովհաննիսյանը նշեց, որ Նիկոլ Փաշինյանը Նախիջևանը ցամաքային կապով կապել է Մեղրիին. «Երբ ասում ենք նոր բանակցող, դա չի նշանակում նոր պատերազմ: Դա նշանակում է նոր շանս, որ ամեն կետի տակ եղած վտանգավոր ականները չեզոքացվեն:

Այս իշխանություններն արդեն երկու պատերազմ պարտվել են՝ կորոնավիրուս ու Արցախ: Նիկոլ Փաշինյանի շնորհիվ ստանում ենք արդեն երրորդ պատերազմը՝ Հայաստանի սահմանների շուրջ: Նա հաջողացրեց բոլոր հնարավոր տարբերակներից Հայաստանի համար լավագույն տարբերակը ստորագրել:

Երբ հոկտեմբերի 14-ին նա լայվ էր մտել ու ասում էր, որ խայտառակ փաստաթուղթ են թողել, բայց պայքարը շարունակվում է, գիտեր, թե ինչ վիճակ է ռազմաճակատում: Հետ բեր նախկին փաստաթուղթը, որտեղ Ադրբեջանին չէինք տալիս Շուշի, Հադրութ, Մարտունու շրջանի մի մասը»:

Հովհաննիսյանը նաև հայտարարեց, որ Նիկոլ Փաշինյանն այս կապիտուլյացիայով չի լուծել Ղարաբաղի հարցը, մի բան էլ հարց է ստեղծել Հայաստանի համար: