Ես անձամբ եղել եմ Մարտակերտի շրջանում, որտեղ վիրավորվել եմ: Հիվանդանոցում պառկած տեսնում եմ, որ հետ են տվել: Ո՞վ են սրանք: Մենք կռվում ենք, իրանք հող են տալի՞ս: Ղարաբաղի համար մի բան արած կա՞ն, չկան: Նախկիններից են խոսում, նրանք մեզ հայրենիք են տվել, որտեղ ապրում էինք: Հիմա դավաճանը դո՞ւք եք, թե նախկինները: Այս մասին Ազատության հրապարակում հայտարարեց Արթուր Բեգլարյանը:

«Ինչի՞ եք սաղ քցում զինվորների վրա, սաղ էլ կռվել են: Շուշին, Քարինտակը պահում էին: Բոլորն էլ կռվում էին, մեջն եմ եղել գիտեմ, ով էլ հակառակն է ասում, դուք եք սովորեցնում»,-ասաց նա:

Բեգլարյանը նաև ասաց, որ շատերը հերթագրվել են, սակայն նրանց չեն տարել, հիմա ասում են, թե զորք չի եղել. «Ասում եք, որովհետև դավաճաններ եք»:

«Մարդիկ կան, ովքեր ասում են, որ ղարաբաղցիները պետք է գնան Ղարաբաղ, ինչի են եկել Երևան: Կնոջս տունը Քարինտակում է, ես իրա տունը տալիս եմ ձեզ, գնացեք ապրեք: Շուշիում տուն ունեմ, ձրի տալիս եմ, գնացեք ապրեք: Գնացեք Ստեփանակերտ, որտեղ սնայպերը ցանկացած վախտ կարա խփի: Կարա՞ք ձեր երեխաներին ասեք՝ խաղացեք, չեք կարա, ուրեմն մի խոսացեք»,-ասաց նա: