Լեռնային Ղարաբաղում ռուս խաղաղապահների տեղակայումից հետո Ստեփանակերտի 250 բնակիչ կարողացել է վերադառնալ իրենց տները։ Այս մասին լրագրողներին հայտնել են ՌԴ պաշտպանության նախարարությունում։

«2020 թվականի նոյեմբերի 14-ին Ստեփանակերտի շուրջ 250 բնակիչներ վերադարձել են իրենց տները։ Փախստականների առաջին 9 ավտոբուսները Ստեփանակերտ են ժամանել ռուսական խաղաղապահ զորակազմի ծավալումից և դիտակետերի տեղադրումից հետո», – ասել են գերատեսչությունում:

Նախարարությունում հստակեցրել են, որ ՌԴ զինծառայողները ապահովել են ավտոբուսների անվտանգ տեղաշարժը շփման գծում: