Ռուս խաղաղապահներն 9-ական դիտորդական կետ են տեղակայել ԼՂ «Հյուսիս» և «Հարավ» գոտիներում
Ռուս խաղաղապահները իննական դիտորդական կետեր են տեղակայել Լեռնային Ղարաբաղի՝ իրենց պատասխանատվության տակ գտնվող հյուսիսային և հարավային գոտիներում: Այս մասին հայտնում է ՏԱՍՍ-ը: Նաև յոթ ժամանակավոր կետ է տեղակայված Լաչինի միջանցքում:
«Երեկ 15-րդ առանձին մոտոհրաձգային բրիգադի ստորաբաժանումներն ավարտին են հասցրել դիտորդական կետերի տեղակայումը «Հյուսիս» պատասխանատվության գոտում: Ներկայում կրակի և ռազմական գործողությունների դադարեցման ռեժիմի վերահսկումը իրականացնում են խաղաղապահ ստորաբաժանումները՝ հարավային և հյուսիսային պատասխանատվության գոտիներում տեղակայված իննական դիտակետերում»,- տեղեկացնում են ՌԴ ՊՆ-ից:
Ստեփանակերտում ևս ավարտվել է ռուս խաղաղապահ ուժերի կառավարման համար նախատեսված հրամանատարական կետի տեղակայումը:
