Ազգային ժողովում իմքայլական պատգամավոր Անդրանիկ Քոչարյանի ճեպազրույցի ժամանակ միջադեպ տեղի ունեցավ: Երբ պատգամավորը խնդրեց լրագրողներից մեկին բարձրախոսը մի քիչ հեռու տանել՝ դա բացատրելով վարակով, մեկ այլ լրագրող բերեց ու դիմակ դրեց բարձրախոսի վրա: Իսկ երբ դիմակը վերցրեց, պատգամավորը հարցրեց. «Ո՞վ էր այդ տղան: Հիմա ուզում եք դադարեցնե՞նք, կամ թող այս լրագրողն իր պահվածքը վերանայի»:

Քոչարյանը խնդրեց վերջինիս ներկայանալ: Լրագրողն ասաց, որ իրեն բոլորը ճանաչում են:

«Ես Ձեզ չեմ ճանաչում, ու Ձեր արածը գնահատում եմ, որպես վիրավորանք»,-ասաց պատգամավորը:

«Ոչինչ, մի կերպ կդիմամանք»,-արձագանքեց լրագրողը:

«Ո՞նց ոչինչ, լսի մի հատ ներկայացի տղա ջան, հորդ տարիքի մարդ եմ: Ես պարտավոր չեմ քեզ ճանաչել: Էս ով էր: Սա հաստատ «Հրապարակ» թերթից կլիներ»,-ասաց Քոչարյանը:

Պատգամավորը խնդրեց նշյալ թերթի մյուս լրագրողներին գնալ ու անկյունում կանգնել լսել՝ դա անելով իրենց խմբագրի հետ: