Այսօր կանգնում ես ու ԱԺ ամբիոնից հայտարարում ես, թե Շուշին դժգույն ու դժբախտ քաղաք է: Նիկոլ, չհամարձակվես պղծել մեր հաղթանակների, արժանապատվության խորհրդանիշ Շուշին: Եթե Շուշին դժբախտ ու դժգույն քաղաք էր, ինչու էր կինդ Շուշի ֆոտոսեսիաների գնում: Ազատության հրապարակում հայտարարեց պատգամավոր Իվետա Տոնոյանը:

«Գնում էր, որովհետև որպես չարիքի կրող ու մարմնացում՝ Ադրբեջանին տվեցիր բոլոր հողերը, որտեղ կինդ լուսանկարվեց՝ Շուշի, Քարվաճառ, Հունուտի կիրճ, Հադրութ: Ադրբեջանի դրոշի օրը ժողովրդի թիկունքում դավադրաբար, գողի նման ստորագրեցիր կապիտուլյացիայի փաստաթուղթը: Աշխարհի որևէ երկրում չի մնում քաղաքական իշխանությունը, որ ծնկի է իջնում թշնամու առաջ ու դավաճանում ժողովրդին: Ժողովուրդը նրան հեռացնում է, վտարում է, բարոյական պատասխանատվության է ենթարկում:

Նիկոլ, երկնային կյանքում դու դեռ պատասխան ես տալու մեր հերոսների առաջ, պատասխան ես տալու արյան գնով պաշտպանված հողերը թշնամուն տալու համար: Պատասխան ես տալու Մոնթեի, Դուշման Վարդանի, Թաթուլի, Վազգենի առաջ: Իսկ այս կյանքում, քանի դեռ ունես հնարավորություն, հավաքիր փասափուսադ ու հեռացիր: Դու չարիք ես Արցախի, Հայաստանի, քո մերձավոր շրջապատի, հասարակության համար, դու վտանգավոր ես, դու բարոյական ու իրավական իրավունք չունես ներկայացնելու Արցախն ու Հայաստանը»: